歌手： 許志安 Andy
作曲： 柳重言
作詞： 黃偉文
編曲： Billy Chan

（獨白）
呢個原本係一個好夢
係夢入面我地行緊去一個地方
我咁開心　一定係約咗我女朋友姐
我地約咗一齊去瑞士睇雪
行到一間酒吧嘅門口　我推門入去
我見到她　她笑緊　她笑緊
不過唔係對住我　而係坐係對面嗰個男人
嗰個男人戴住我同她提過
我好鍾意嗰條頸巾　他做咩戴住我條頸巾

明信片裏雪花　還要等你看嗎
是你在四月就約定了共我放冬假
其時竟想不起　香港入冬有雪落嗎

蘭桂坊有雪嗎　何以今晚約她
平平安安進酒吧
原來我自初夏期待那　頸巾　轉贈了給他

＊捱過無數晚　為今晚　竟與你分散
　我今年　沒聖誕　寒流下勉強支撐
　要過今晚　或許艱難　借我厚冷衫
　等我在人群之間
　呆站渡過了新年亦未覺冷　＊

（獨白）
嗰個男人疼得她好開心
我突然間轉身想走　我唔知自己怕咩嘢
我好驚　好驚俾她見到　我轉身推門

陪我的約了他　還算得聖誕嗎
還更假裝慶祝嗎
悠長盼望可是年歷裏　今晚　已畫上交叉

Repeat ＊

（獨白）
推開門我又見到我女朋友同嗰個男人
點解會咁　我好驚　我轉身再推開門
我見到一模一樣的嘢　呢個過程不斷咁重複
直至到我終於忍唔住
今次冇轉身　反而行向前

如要凝結我　淚斑斑　天氣要多冷
我今年　沒聖誕　寒流下勉強支撐
教我心淡　並不很難　見我更簡單
不要在猶豫之間　胡亂答應我今年共度聖誕
留下我似個小孩獨自冀盼

（獨白）
我都未諗到講咩嘢嘅時候
竟然係她先開口同我講
你肯同我傾偈了咩　我一直都等緊你
突然一下來生命嗰一刻
我知道呢個夢已經完
擘大眼我見她在床邊　喺醫院昏迷左個４年
她一直等緊我　原來嗰個男人係睇相嘅
我女朋友問起我地嘅姻緣
唔怪得　她笑得咁開心啦
而家望返　個個睇相佬都幾准嘅喎
我望出窗外　出邊落緊雪
她問仲記唔記得　我地話過一齊去瑞士睇雪