星星歌詞天地

歌手： 農夫 Fama
作曲： DJ Tommy
作詞： 6永，C君

＊人人話我RAP到好正（FAMA）
　人人話我RAP到好正（CMD yo）＊

6wing:
我叫做MR. 6 佢係MR. C
開始時　諗住寫下歌詞
你知我唔係公子哥兒
玩音樂無咁易
或者咁你聽過　你friend話鐘意
鐘意埋我媽咪　農夫兩個字
你開始知道不只係耕田人仕
好似係個相對地靚仔加個相當得意MC
幾隻CD　有唔少人支持　仲有更多人BT
而家連祖名都知佢自己幾似我
我話過冇狗仔隊跟我最後車邊都跟
不過報導有錯　佢話我賣得
一千隻　喂一千隻我頭一分鐘已經賣出
我一路造歌　得到貴人相助
featuring麥玲玲　詹瑞文都搵我
評語有好有差　有人話太商業化
有話聽唔出我D歌中心思想
以你智商畫都要畫出腸
定係以後出SHOW出碟唔出樣
咁樣就合乎你對hip hop想象？
你由得你點想我有我理想
我想你每一次個耳筒塞住耳仔同時
每一次失意聽到我寫每一個字
都會心微笑　其他都唔重要
當我話456你仲會叫（6 wing）
我話ABC君你話（好搞笑）
咁已經夠我回味　再造好歌俾你
我有我繼續我hip hop

Repeat ＊

C Kwan:
係時候重新講返以前每一首作品
由月下思到鄭永芝到音樂大亨
有人話越做越無心　有人越聽越開心
又有無人會認認真真諗諗我地點諗
你話我少諷刺時弊為過癮而過癮
呢人平日唔睇報紙靠聽歌知新聞
你話香港無音樂　淨係得娛樂
根本音樂就係娛樂點解要將佢分割
做十年HIP HOP先至發覺
最好創作唔只要你識得我
仲要你識得笑唔只要你賞識我
仲要你想起我即刻笑
每隻唱片背後　幾多晚通宵捱眼
每次表演之後　幾多人睇得好興奮
化妝粉底背後　個眼袋裝得落十蚊銀
嬉皮笑臉玩世不恭背後幾咁認真
無可能　鐘意我所有作品
無可能　買晒我所有產品
有可能　只要你聽得開心
你就企起身

Repeat ＊