＊七一的晚上　煙花多漂亮
　獅子山腳下突然過十年太漫長
　飄忽的政治　消失的偶像
　獅子山腳下步行過十年到夕陽

　回歸十年　突然　諗返起以前
　五十年不變到底有無兌現
　第一年煙花匯演特別美艷
　但係經濟狀況已經大不如前
　係董生腳頭唔好　定係咁金融風暴
　新聞仲報導　呢十年香港幾好
　我有幾好你點會知道
　師奶都越越慳
　打工仔又老奉加班
　幾多個人曾經係負資產
　幾多大學生人工唔過一萬
　一蚊一隻雞都無人夠膽　出街食晚飯
　畢業就等於失業
　十年人事幾番新　十年過得幾艱辛
　有人捍衛到個髮型捍衛唔到民心
　熱烈慶祝回歸　有邊個會咁諗
　哥哥　梅姐　霑叔　羅文
　失業　SARS　通縮　流感
　過去十年有太多唔開心
　事到如今　靈灰閣都無預你同我份
　或者應份　俾掌聲我各位香港人 ＊

Repeat ＊

原來突然眨下眼　咁就過十年
以前仲係中學生　今日要出搵錢
每一年煙花匯演都係一個紀念
紀念　公眾假期多幾天
係曾生腳頭幾好
定係佢無夾硬　無事搵事做
近年經濟轉好　大定行返舊路
望住股票指數
有得搵就好搵搵一陣就好搵過你打幾份工
內地勞工　今日變身自由人
到香港自由行　每個人洗幾千蚊
難怪咁多人要爭相回流掘金
以前有事走去　今日無事返番
佢有無當過香港地係佢屋企
皇后碼頭要拆
灣仔條印刷街又要拆
會變成乜風格
維多利亞海港　每年都 transform
好似變形金剛　變成維多利亞河
河對面有座山　山下面燈光燦爛
七百萬人男男女女　有你同我　我同佢
七百萬人來來去去　有你同我　我同佢

Repeat ＊