香港仔

香港仔 歌詞

香港仔


歌手:新青年理髮廳
作曲:新青年理髮廳
作詞:新青年理髮廳

我朋友中學時代 就喺鴨脷洲長大
依家吓個個大晒 反而唔太想大
東村西村 跑落海怡 會經過大街
鴨脷洲唔算大 不過以前已經係我地全世界

嗱嗱嗱 鴨脷洲個脷字唔好寫錯
全部都有淵源 唔識記得要寫過
呢個咁嘅小島 你都未必知道
佢擁有全世界最高 嘅人口密度

穿過鴨脷洲大橋 掟個彎就到黃竹坑
家下 家家戶戶都搬晒上半山
唔好誤會 只不過係搬晒上石排灣

以前姑媽住係黃竹坑成街都係小販
間唔時仲會一家人去海洋公園玩
而家海洋公園都好少去 唔係我哋去
生日果日免費或者可以諗諗佢

住得係香港仔 做咩都要出銅鑼灣
咁唔行香港仔隧道 唔通爬過座山
講到呢條隧道幾時會塞我哋就最有心得
返工時間佢會塞 佢未必塞
放工時間佢實塞 佢都未必塞
無錯佢就喺你最趕時間最心急果陣先塞
日日都間歇性封閉
咁不如索性將佢成條荒廢
不過都唔好制
第時 有咗地鐵可能更加濕滯

沿住地鐵沿線 全世界都要改變
話就話 改善 趕走咗你先
周圍拆呀拆呀拆 拆到一撻撻
條馬路窄呀窄呀窄 有咁窄得咁窄

起酒店 service 啲客 趕走啲阿婆阿伯
食肆又拆 無野喫
深灣船廠果邊喺樹放火靠嚇
卒之拆到個世界無晒性格

一住住咗廿幾年 萬一要搬都唔知點算
一條村最緊要 要有啲公園
你老未 你未老 所以 你未必知道
仲要有啲細路 仲要有啲兩老
拖下手仔散步 噏下呢呢路路

果啲環球店鋪 根本唔需要響到
如果我想買嘢 我自然會出軒尼詩道
呢到以前唔係咁架喎
定係 我哋大個咗咋

Please wait...
Subscribe
Notify of
guest
0 Comments
Inline Feedbacks
View all comments