豈能盡如人意

豈能盡如人意 歌詞

豈能盡如人意


歌手:新青年理髮廳
作曲:新青年理髮廳
作詞:新青年理髮廳

喂 今日我想講一個小小嘅故事
呢個故事唔多唔少都同你有啲關事
喺二十六年前 1989 年
我出現喺 呢個世界 呢個城市嘅一間醫院

喺呢到出世成長 讀書學寫字
ABCDE123 笑
終於都畢業出嚟社會做事
正所謂 生於斯 長於斯
係無錯 我係 好鍾意 呢個城市

我細細個老豆就話我知
要記住讀唔讀到書唔係緊要
至緊要做人有大志 有鬥志 夠堅持
行行都出狀元
係邊到跌倒咪由邊到再開始

所以我屋企 掛住好多真言同大字
其中有一句我覺得特別有意思
豈能盡如人意 但求無愧於心
就係咁 我拎住呢個心 呢隻宗旨去做人

曾幾何時我都好目標
我覺得 我可以 係呢到
一步一步搵到自己嘅路
但係逐步逐步睇到 呢到愈黎愈離譜
愈睇愈恐怖 愈諗愈唔對路

樓市升升升升有人高興
但係我地啲升斗市民就鬼火咁㷫
你以前無 依家無 將來都無
如果想要成功之道 或者可以問下父母

呢到太多大道理 硬道理
講到尾 未必係真理
但係講到你 失去理志 無晒自己
自己呃自己 咪一味去跟人尾
然後再去話人哋 香港地無晒香港味

窮幾多青春供一個竇 還是窮一生都跟規則博鬥
到某日慶幸換得到石頭 回頭又過了幾多個秋
難得青春該好好去演奏
窮得起的都捉緊了時候 揮霍自由
眉頭白了再逐一細閱 像一齣電影 瑣碎片段
離場後通通也沒有 只有記憶帶走

Please wait...
Subscribe
Notify of
guest
0 Comments
Inline Feedbacks
View all comments