明明約咗你三點鐘　喺銅鑼灣地鐵站等
兩點九我就去到附近　老豆教我做男人要負責任
烈日當空下
我用咗廿五蚊雞買咗杯珍珠奶茶飲
（仲要唔係幾好飲）
等到三點半鐘仲未見人　講真真係等到我有啲忟
果一刻我有種不祥預感　係咪有意外發生
咁啱聽到啲人話　附近有人俾車撞親
然後我決定　打電話俾你問一問

＊不見即散　明明個時間地點又係你揀
　總有一鋪　你要一次過還
　到果一日　後悔都太晚
　不見即散　鑊鑊問你喺邊　你話轉個彎
　個彎肯定大到要繞過成座山
　真係辛苦晒　要你吹到咁大
　唔好意思我老豆難產　走先拜拜　＊

訓到瘟瘟燉燉　我好似聽到個電話響
攞起個電話望一望個來電　原來真係區樣
好似彩我夠醒目仔諗諗計　壓低把聲先至聽
佢連隨問我去到邊到　佢真係法癲
唔通我啱啱起身　我又會話比你知

唔好意思呀唔好意思呀　我知道約咗五點鐘
但係尋晚較咗鬧鐘個鬧鐘又唔響　我都唔想㗎
然後我落到樓下見到有人招募義工
我見時間尚早　我做咗幾個鐘
然後等巴士等咗三四班　啲的士又係咁交更
我把心一橫　由觀塘跑到銅鑼灣
疏梳梭蔬　唔好意思　唔好意思　唔好意思
無下次呀

Repeat ＊

每次約親你都會遲　仲笑笑口扮無事
自此我諗唔明我準時　仲有啲乜野意義
所以我知你約我會遲三個字　我會遲多三個字
你知我會遲三個字　你再遲多三個字
我知道你會知道我會知道　你遲多三個字
所以我會準時咁遲過　你最準時果三個字
卒之等到第二日
你喘晒氣問我　喂你做乜遲到
我話因為我知道
挑　你都係啱啱先到

Repeat ＊